Хятад-Монголын технологи дамжуулалт болон инновацийн хамтын ажиллагааны 2 дугаар их хуралд Монгол талаас Боловсрол, соёл, шинжлэх ухаан спортын дэд сайд  Г.Ганбаяр, Инновацийн хэлтсийн дарга Д.Одгэрэл, Шинжлэх ухаан технологийн сангийн захирал М.Тунгалаг, Шинжлэх ухааны академийн тэргүүлэх академич Т.Ган-Эрдэнэ зэрэг албаны төлөөлөл, салбарын 40 гаруй эрдэмтэн судлаачид, БНХАУ-ын талаас шинжлэх ухаан, технологийн салбарын 33, их дээд сургууль, шинжлэх ухааны судалгааны хүрээлэн, инститүтээс 69, өндөр технологийн парк, аж ахуйн нэгжүүд болон бусад газрын 31 зочид, төлөөлөгчид оролцсон бөгөөд Монголын талаас Хүнс, хөдөө аж ахуй, хөнгөн үйлдвэрийн яам, Гадаад харилцааны яам, Боловсрол, соёл шинжлэх ухаан, спортын яам, Эрүүл мэндийн яам, Зам тээврийн яам, Хөдөлмөр нийгэм хамгааллын яам, Байгаль орчин аялал жуулчлалын яам, Хууль зүй дотоод хэргийн яам, Уул уурхай, хүнд үйлдвэрийн яам, Үндэсний хөгжлийн газар, Нийслэлийн соёл урлагийн газар, Гаалийн ерөнхий газар, Мэргэжлийн хяналтын ерөнхий газар, Иргэний нисэхийн ерөнхий газар, Стандарт хэмжил зүйн газар, Шинжлэх ухаан технологийн сан, УБТЗ ХНН, МИАТ ХК, МҮХАҮТ, МҮДХ, Мишээл Экспо ХХК зэрэг байгууллагууд хамтран зохион байгуулсан.

Шинжлэх ухаан, технологийн салбарыг төлөөлж энэ удаа 9 байгууллагын 8 судлаачид их дээд сургууль, эрдэм шинжилгээний байгууллагын мэдлэг, оюун шингэсэн 80 гаруй нэр төрлийн инновацийн бүтээгдэхүүнийг танилцуулж, үзэсгэлэнд оролцлоо. 

·        DIPR судалгааны байгууллага, Ш.Тэгвандан МУ-ын Шинжлэх ухааны музейд VR/AR/MR технологийг нэвтрүүлэх боломж

·        Монос-Эм судлалын хүрээлэн, А.Баянмөнх Эмийн ургамлын гаралтай шинэ бүтээгдэхүүн гарган авах,

·        АШУҮИСургууль, З.Отгон АШУҮИСургууль, Инноваци бүтээгдэхүүн болон технологи дамжуулах санал,

·        ШУПЗахиргаа, Б.Бат-Өлзий ШУПаркийн захиргааны танилцуулга,

·  ХААИСургууль, Г.Гантулга- Монгол орны хөдөө аж ахуйн үйлдвэрлэлд ухаалаг технологи нэвтрүүлэх нь төслийн танилцуулгыг хийлээ.

Төслийн танилцуулгуудын дараа талууд хэлэлцээрийн ширээний ард сууж боломжит хамтын ажиллагааны талаар нарийвчилсан хэлэлцээр хийн, өргөтгөсөн хэлэлцүүлгийг амжилттай үргэлжлүүллээ.